Kazpatent Алматы қаласындағы филиалының Оқу орталығымен бірлесіп Абай облысының шағын және орта бизнес өкілдеріне, отандық өндірушілерге және кәсіпкерлік қызметін жаңадан бастаған кәсіпкерлерге арналған оқыту вебинарын өткізді

2026 жылғы 08 шілдеде Kazpatent Алматы қаласындағы филиалының Оқу орталығымен бірлесіп Абай облысының шағын және орта бизнес өкілдеріне, отандық өндірушілерге және кәсіпкерлік қызметін жаңадан бастаған кәсіпкерлерге арналған оқыту вебинарын өткізді

Kazpatent бизнес өкілдерінің құқықтық сауаттылығын арттыруға, сондай-ақ зияткерлік меншік объектілерін құқықтық қорғау және құқықтарын қорғау тетіктерін түсіндіруге бағытталған оқыту семинарлары мен онлайн-вебинарлар циклін жалғастыруда.

Вебинар барысында зияткерлік меншік объектілерін құқықтық қорғау және құқықтарын қорғаудың өзекті мәселелері қарастырылды. Қатысушылар келесі тақырыптар бойынша ақпарат алды:

• тауар белгілерін тіркеу және брендтерді қорғау;
• географиялық көрсеткіштер мен тауар шығарылған жердің атауларын тіркеу;
• өнеркәсіптік үлгілерді тіркеу;
• бизнесті жосықсыз бәсекелестіктен қорғау;
• зияткерлік меншікті бизнесті дамыту құралы ретінде пайдалану;
• өтінімдерді беру және Qazpatent-тің жеке кабинетінде жұмыс істеудің практикалық аспектілері.

Осындай оқыту іс-шараларын өткізу бизнес өкілдерінің құқықтық сауаттылығын арттыруға, зияткерлік меншік объектілерін құқықтық қорғау мүмкіндіктері туралы білімдерін кеңейтуге және оларды кәсіпкерлік қызметте тиімді пайдалануға ықпал етеді.

Kazpatent алдағы уақытта да Оқу орталығымен бірлесіп зияткерлік меншік саласындағы білім деңгейін арттыруға бағытталған оқыту іс-шараларын өткізуді жалғастырады.