National Institute of Intellectual Property
2026 жылғы 14 қазанда Алматы қаласындағы Kazpatent филиалында Алматы қаласы Қоғамдық кеңесінің өкілдерімен кездесу өтті. Кездесу қорытындысы бойынша тараптар зияткерлік меншік саласындағы өзара іс-қимылды дамытуға бағытталған ынтымақтастық туралы Меморандумға қол қойды.
Кездесу барысында қатысушылар зияткерлік меншіктің негізгі объектілерімен, Kazpatent қызметімен және Бірыңғай цифрлық платформаның мүмкіндіктерімен танысты. Зияткерлік меншік саласындағы азаматтардың құқықтық сауаттылығы мен ақпараттылығын арттыру мәселелеріне ерекше назар аударылды.
Меморандумға қол қою бірлескен іс-шаралар өткізуді, зияткерлік меншіктің өзекті мәселелерін талқылауды және Алматы қаласы тұрғындарының құқықтық ағартуын дамытуды қоса алғанда, тараптардың одан әрі өзара іс-қимылы үшін негіз болды.
